tipii

YUNESKO-nun Assosiativ  Məktəblər Şəbəkəsi (ASPnet) qlobal müsabiqəsinin "Qəlblərimizi və zehinlərimizi qaçqınlara açaq" mövzusunda mükafat mərasimində 10 ölkəni  təmsil edən şagirdlər və müəllimlər  6 iyul 2017-ci il tarixində  Parisdə - YUNESKO-nun baş qərargahında, mükafatlandırıldılar.

Cari ilin əvvəlində YUNESKO Tolerantlıq Federal Tədqiqat və Metodik Mərkəz - Tolerantlıq Mərkəzi ilə birgə şəkillər, kollajlar, qısa hekayələr və videokliplər hazırlanması üzrə müsabiqə elan etmişdi. Onun məqsədi qaçqınların hüquqlarına dair məlumatlılığın artırılması və onlara hörmət və dəstək göstərilməsinin vacibliyi idi. ASPnet prioriteti  olan Qlobal Vətəndaşlıq Təhsili ilə uyğunlaşdırılmış bu müsabiqə  11000 ASPnet üzv məktəbinə açıq idi. Müsabiqə şagirdləri müxtəlif mədəniyyətləri təbliğ etmək üçün fərqli bədii ifadələrdən və müxtəlifliyi qiymətləndirən beynəlxalq terminlərdən istifadə etməyə təşviq edirdi. Qeyd edək ki, Azərbaycandan olan ASPnet məktəbləri də müsabiqəyə xeyli iş göndərmişdilər.

Bütün dünyadan qəbul edilmiş ərizələr arasından münsiflər heyəti məktəbəqədər, ibtidai və orta məktəb müəssisələri nominasiyalarında 10 qalib müəyyən etmişdir. Münsiflər heyəti, mövzuyla əlaqəli ifadə etdiyi güclü ismarıclara əsaslanaraq əlavə 4 işə həvəsləndirici mükafat təqdim etmişdir.

I, II  və III mükafatı qazanmış məktəblər tədris materiallarının alınması üçün uyğun olaraq 2 000, 1 500 və 1 000 ABŞ dolları alacaqlar.

Mərasimdə YUNESKO-nun Təhsil Sektorunun İcra Aparatının direktoru və Təhsil üzrə Baş direktor köməkçisi cənab Svein Osttveyit şagirdlərə müraciət edərək deyib: “Əsərlərinizdən öyrəndik ki, qaçqınlar haqqında məlumatlanmaq üçün araşdırma aparmısınız. Özünüzü onların yerinə qoyub yaradıcılığınızı istifadə edərək bildirdiniz ki, hamımız, sizin kimi, qəlblərimizi və zehinlərimizi açaraq birlikdə yaşamağı öyrənməliyik."

Əsərlər UNESCO və Tolerantlıq Mərkəzinin web-səhifələrində nümayiş olunacaq.

Laureatlarla tanış olun:

Məktəbəqədər təhsil müəssisələri kateqoriyası:

• I yer: Saulespuķe xüsusi təhsil müəssisəsi, Bauska Bələdiyyəsi, Latviya

Kollaj: Adsiz (Untitled)

• II yer: Hersoq-Novi, Çernoqoriya, “Nasa radost” ictimai məktəbəqədər təhsil müəssisəsi

Rəsm/Kollaj: Uşaqlar üçün sevgi və ümid evi ( Children's world house of love and hope for all)

• III yer: Barselona, İspaniyadan Escola Virolai Griu

Rəsm /Kollaj : Adsız  (Untitled)

• Həvəsləndirici mükafat: Sterrenbos Hamme, Hamme, Belçika

Rəsm / Kollaj: Adsız (Untitled)

 

İbtidai məktəb kateqoriyası:

• I yer - ex-aequo (eks - ədalət prinsipləri): Trikala  13-cü İbtidai məktəbi, Yunanıstanın Trikala şəhərindən

Rəsm: Adsız  (Untitled)

• I yer - ex-aequo (eks - ədalət prinsipləri): Fransa, Parisdən École Internationale Bilingue Victor

Kollaj: Qəlblər və zehinlər qaçqınlara açıqdır (Cœurs et esprit ouverts aux réfugiés)

• II yer: San Nicolás de los Garza, Nuevo León, Meksikadan Colegio Americano Anáhuac 

Şəkil: İtkin ev (Extrañando el hogar)

• III yer: Hamre, Belçika'dan Sterrenbos Hamme

Rəsm / Kollaj: Untitled

• Həvəsləndirici mükafat: Hamme, Belçikadan Sterrenbos Hamme

Rəsm/Kollaj: Adsız (Untitled)

 

Orta məktəb kateqoriyası:

• I yer: Center Régional d'Enseignement Technique et de Formation Lome, Toqo Professionnelle rayon Maritime (CRETFP-RM)

Videoklip: 2Qaçqınlara dəstək” (Soutenons les réfugiés)

• II yer: S. Domingos de Rana, Portuqaliyadan Agrupamento de Escolas Frei Gonçalo de Azevedo 

Videoklip: “Bizə siz lazımsınız”

• III yer: Sharjah, Birləşmiş Ərəb Əmirlikıərindən Al Itqan Amerikan Məktəbi  

Qısa hekayə: “Bir həftə”

 

 Həvəsləndirici mükafat:

• Bakı, Azərbaycan, Bakı Avropa Liseyi

Videoklip: “Qaçqınlara ürəklərimizi açaq”

• Madrid, İspaniyadan IES Ramiro de Maeztu

Hekayə: “140 simvol içərisində bir yolçuluq” (Un voyage en 140 caractères)

 

Bakı Avropa Liseyinin kollektivini bu qələbə münasibəti ilə təbrik edirik! Afərin, uşaqlar!