51 nömrəli məktəbdə esse alqoritminin tətbiqi üzrə praktik məşğələ keçirilmişdir
30.05.2017
30 may 2017-ci il tarixində Səbail rayonu 51 nömrəli məktəbdə TİPİİ-nin Məzmun standartları və ixtisasartırma proqramları şöbəsinin müdiri, filologiya üzrə fəlsəfə doktoru Könül Nəhmətova 8-ci sinifdə esse yazı alqoritminin tətbiqi üzrə praktik məşğələ təşkil etmişdir. Məşğələdə şagirdlərə aldıqları nəzəri biliklərin tətbiqi məqsədilə C.Məmmədquluzadənin “Qurbanəli bəy” hekayəsinin ideya istiqamətinin təhlilinə həsr edilmiş “Qurbanəli bəyin gülünc vəziyyətə düşməsinin səbəblərini nədə görürəm” mövzusunda esse yazmaq təklif olunmuşdur. . Şagirdlərlə aparılan məşğələni məktəbin Azərbaycan dili və ədəbiyyat müəllimləri müşahidə etmiş, elmi-nəzəri məsələlərin tədris prosesində təcrübəyə tətbiqinin ardıcıllığını izləmişdir.
Məşğələnin məqsədi tədris prosesində yazı işinin səmərəli təşkili yollarını göstərmək idi.
Ustad dərslər digər təhsil müəssisələrində də keçiriləcəkdir.