ELANLAR

"Ümumdünya ətraf mühitin mühafizəsi günü" birlikdə qeyd edək

24.05.2017

Hörmətli pedaqoji şura üzvləri,

Hörmətli məktəb direktorları,

Hörmətli müəllimlər

        

Sizə Birləşmiş Millətlər Təşkilatının ətraf mühit proqramı adından müraciət edirik. Sizə və şagirdlərinizə 5 iyun tarixində “Ümumdünya  ətraf mühitin mühafizəsi  günü”nü qeyd etmək üçün bizə qoşulmağı təklif edirik.

         Bildiyiniz kimi, Ümumdünya  ətraf mühitin mühafizəsi  günü planetimiz və onun resursları barəsində  maarifləndirmə məqsədilə Birləşmiş Millətlər Təşkilatı tərəfindən təşkil olunan ən böyük tədbirdir. “Təbiətlə insanların vəhdəti” 2017-ci ildə keçiriləcək  tədbirin mövzusu seçilmişdir. Düşünürük ki, bu təbir  təbiətin gözəlliyini, ruhumuza və səhhətimizə müsbət təsirini şagirdlərinizə xatırlatmaq üçün  əla fürsətdir.

         Biz bütün müəllimləri 5 iyun tarixindən başlayan həftə ərzində təbiət qoynunda  dərs keçməyə çağırırıq ki, şagirdlər məktəbdə olarkən  “təbiətlə vəhdəti” hiss edə bilsinlər. Necə düşünürsünüz, siz şagirdlərinizi yaxınlıqda yerləşən parka, bağa, meşəyə aparıb orada riyaziyyat, dil və  ya digər dərsləri keçirə bilərsinizmi?

         Düşünürük ki, bütün dünyada uşaqlar bu günü təbiətdə keçirsələr və təbiətlə yaxınlığı hiss etsələr bizim keçirdiyimiz maarifləndirmə cəhdi dəyərli  və maraqlı ola bilər. Şagirdlər uşaqlıqdan təbiətə yaxın olsa, bu onları planetimizə ehtiyatla yanaşmağa və gələcəkdə dayanıqlı dünyanı təmin etməyə təhrik  edəcək.

         Tədbir ərəfəsində naturalist Devid Attenboro deyir: “Körpəlikdən təbiətin gözəlliyinə heyran olmayan uşaq yoxdur. Biz təbiətin bir hissəsiyik”.

Bu səbəbdən sizə mümkün olan  bütün məktəblərdə təbiət qoynunda dərs keçməyi təklif edirik. Bizə qoşulsanız və bu haqda məlumat versəniz, sizin məktəbi iştirakçılar siyahısına əlavə edib haqqınnızda məlumatı veb saytımızda yerləşdirərik.

“Ümumdünya  ətraf mütinin mühafizəsi  günü”, 2017-ci ilin mövzusu və digər tədbirlər haqqında daha ətraflı məlumatı BURADAN əldə edə bilərsiniz. 

         Yaxın zamanda  biz təbiət qoynunda keşiriləcək dərs zamanı istifadə edə biləcəyiniz tədris paketlərini məktəblərə göndərəcəyik.

Əlavə məlumat üçün və ya iştirakınızın təsdiqi üçün koordinatorlarımıza müraciət edə bilərsiniz.

isabelle.valentiny@unep.org

mark.grassi@unep.org

“Təbiətlə insanların vəhdəti” gününün təşkilində iştirakınız üçün əvvəlcədən təşəkkür edirəm.

 

Hörmətlə,

Yan Dusik

Direktor

BMT-ətraf mühit, Avropa ofisi